alliance khabar

बुधबार, चैत्र २०, २०८१

गुल्मी, चैत २० गते ।

नेपाली कांग्रेस गुल्मीले तेस्रो जिल्ला सम्मेलनको तयारीलाई निकै तीव्रताका साथ अगाडि बढाएको छ । “जनआन्दोलन दिवस” को अवसरमा आगामी चैत २६ र २७ गते तम्घासमा हुन लागेको कांग्रेस गुल्मीको तेस्रो जिल्ला सम्मेलनलाई भव्य र प्रभावकारी बनाउन पालिका तहमा प्रतिनिधि खटाउनुका साथै विभिन्न उपसमिति गठन गरिएको छ ।

यस जिल्लाका वडा, पालिका, प्रदेशसभा क्षेत्र र प्रतिनिधिसभा क्षेत्रमा सम्मेलन सम्पन्न गरेसँगै कांग्रेस गुल्मीले तेस्रो जिल्ला सम्मेलनको तयारीलाई तीव्र रुपमा अगाडि बढाएको छ । सम्मेलनलाई सभ्य, भव्य र प्रभावकारी बनाउन कांग्रेस गुल्मीले आफू निकटका जिल्लास्थित विभिन्न संघ–संस्थासँग छलफल तथा अन्तरिक्रयालाई विशेष प्राथमिकताका साथ अगाडि बढाएको बताइएको छ ।

नेपालमा प्रजातन्त्र पुनःस्थापना भएको दिन “जनआन्दोलन दिवस” को अवसर पारेर चैत २६ गते तेस्रो जिल्ला सम्मेलनको खुला सत्र तम्घासस्थित चिदिचौर खेलमैदान र बन्द सत्र २७ गते एभरग्रीन पार्टी प्यालेस र इन्द्रेणी पार्टी प्यालेसमा गरिने भएको छ । बन्द सत्रमा जिल्लाका चार प्रदेश सभाका छुट्टा–छुट्टै छलफलहरू राख्ने तयारी गरिएको छ । सम्मेलनको व्यवस्थापनका लागि विभिन्न १३ वटा उपसमिति गठन गर्नुका साथै भातृ तथा शुभेच्छुक संस्थाहरुलाई परिचालित गर्ने योजना बनाइएको कांग्रेस गुल्मीका सभापति खिलध्वज पन्थीले बताउनुभयो ।

टोल–टोलबाट कांग्रेसमा आस्थावान १५ हजार नेता कार्यकार्तालाई तम्घासमा उतार्ने गरी लागिएको छ । कांग्रेसका सभापति तथा पूर्वप्रधानमन्त्री शेरबहादुर देउवा, महामन्त्रीद्वय गगनकुमार थापा र विश्वप्रकाश शर्मा, स्वास्थ्यमन्त्री तथा केन्द्रीय सदस्य प्रदिप पौडेल, केन्द्रीय सदस्य तथा सांसद डा.चन्द्र भण्डारीलगायतका केन्द्र, प्रदेश र जिल्लातहका नेताहरुले सम्बोधन गर्नुहुने भएको छ ।

वैचारिक छलफललाई सूक्ष्म रुपमा अगाडि बढाउनुका साथै सम्मेलनले कांग्रेसका नेता कार्यकर्तालाई नयाँ ऊर्जाका साथ अगाडि बढाउन महत्त्वपूर्ण भूमिका खेल्ने कां ग्रेस गुल्मीका सचिव भगतसिंह खड्काले बताउनुभयो । सम्मेलन पार्टीको गम्भीर समीक्षा, आगामी कार्ययोजना चुस्तदुरुस्त बनाउने र पार्टीका सबै सङ्गठनलाई सशक्त क्रियाशील बनाउने विषयमा केन्द्रित रहने उहाँले बताउनुभयो ।

तपाईको प्रतिक्रिया
सम्बन्धित खबरहरु
हाम्रो बारेमा

यो वेवसाइट एलायन्स खवर डट कम को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

सुचना विभाग द न ३९४४ २०७९ ८०
प्रेस काउन्सिल द न

  • थर्ड आई मिडिया नेटवर्क प्रा.ली. द्धारा सञ्चालित एलायन्स खवर डट कम
    गोकर्णेश्वर नगरपालिका वार्ड ५ जोरपाटीसमाचार शाखाः +977.9849962216
    बिज्ञापन शाखाः +977.9849962216
  • वेबसाइट: www.alliancekhabar.com
  • [email protected]
हाम्रो टिम

संरक्षक
सूर्य राज राई
सम्पादक
किशोर ढुङगेल