जाजरकोट, चैत्र २८ गते –

कर्णाली प्रदेश सरकारका आर्थिक मामिला तथा योजना मन्त्री राजीव विक्रम शाहले जाजरकोटको पूर्वाधार तथा सेवासम्बन्धी आयोजनाहरूको अनुगमन गर्नुभएको छ।

२०८१ साल चैत्र २५ गते आयोजना प्रस्ताव तथा छनौट प्रक्रिया सम्बन्धी कार्यविधि, २०८१ को दफा ६ अनुसार जिल्ला स्तरीय आयोजना प्रस्ताव छनौट सिफारिस समितिको बैठक सम्पन्न भएको छ। बैठकमा माननीय बेदराज सिंहसहितका सदस्यहरूको उपस्थिति रहेको थियो।

यसै सन्दर्भमा, चैत्र २६ गते माननीय मन्त्री र मन्त्रालयका सचिवले पश्चिम जाजरकोटको छेडा–चाँदे सडक खण्ड अन्तर्गत स्तरोन्नति भइरहेको सडकको स्थल अनुगमन गर्नुभएको थियो।

त्यसका साथै, दशेरा फुर्किचौरस्थित नगर अस्पतालमा प्रदेश सरकारबाट विनियोजित ५० लाख रुपैयाँको घेराबार निर्माणको कार्यको अनुगमन गरिएको छ । सो अवसरमा अस्पतालबाट प्रदान गरिने स्वास्थ्य सेवाहरूलाई अझ प्रभावकारी र व्यवस्थित बनाउने विषयमा विज्ञ टोलीहरूसँग छलफलसमेत गरिएको थियो।

मन्त्रीले जन ज्ञानकुञ्ज क्याम्पस दशेराको नवनिर्मित भवन तथा जनप्रिय माविको समेत अवलोकन गर्नुभएको छ । प्रदेश सरकारको तर्फबाट निरन्तर विकासका प्रयासस्वरूप यस्ता अनुगमन कार्यक्रमहरूलाई थप सशक्त बनाउने प्रतिवद्धता जनाउनु भएको थियो ।