काठमाडौँ, कात्तिक २१ गते : लिभरपुलले युइएफए च्याम्पियन्स लिगमा बायर लिभरकुसनविरुद्ध सहज जित निकालेको छ ।

घरेलु मैदानमा मङ्गलबार राति भएको खेलमा लिभरपुलले बायर लिभरकुसनलाई ४–० गोलले हरायो । एकपक्षीय खेलमा लिभरपुललाई जिताउन लुइस डियाजले ह्याट्रिक गर्नुभयो । अर्को गोल कोडी गाक्पोले गर्नुभएको थियो ।

डियाजले ६१औँ, ८३औँ र दोस्रो हाफको इन्जुरी समयमा गोल गर्दै ह्याट्रिक पूरा गर्नुभएको हो । गाक्पोले ६३औँ मिनेटमा गोल गर्नुभएको थियो । जितसँगै चार खेलबाट १२ अङ्क बनाएको लिभरपुल शीर्षस्थानमा छ । समान खेलबाट सात अङ्क बनाएको लिभरकुसन ११औँ स्थानमा छ ।

अर्को खेलमा एसी मलिानले रियल म्याड्रिडलाई ३–१ गोलले हरायो । म्यानचेस्टर सिटी रिपोर्टिङ सिपीसँग ४–१ गोलले पराजित भयो । अन्य खेलमा डाइनामो जेग्रेबले सोल्भान ब्रिटिसलाभलाई ४–१, पिएसभीले जिरोनालाई ४–०, बोरुसिया डर्टमन्डले एसके स्ट्रम ग्रजलाई १–० र सेल्टिकले आरबी लेइपजिगलाई ३–१ गोलले हरायो । युभेन्टस र लिले १–१ गोलको बराबरीमा रोकिए ।