काठमाडौँ, साउन ।

दानको रकमअनुसार दाताहरूलाई विभिन्न प्रकारका सम्मान प्रदान गरिनेछ। रु १ देखि ५०० सम्मको दान दानपेटीमा राखिनेछ भने रु ५५५ देखि रु १००० सम्मको दान गर्ने दाताहरूलाई रुद्राक्ष माला प्रदान गर्दै सम्मान गरिनेछ। क्रमशः रु ११०० देखि माथि दान गर्ने दाताहरूलाई सम्मानपत्र, रामनामी, फ्रेम, र अन्य विशेष सम्मान प्रदान गरिनेछ।

विशेषतः, रु १ लाखदेखि रु ३ लाखसम्म दान गर्ने दाताहरूलाई परिवारका चार सदस्यहरूलाई दुबोको माला लगाएर बाजागाजासहित घरमै सम्मान गरिनेछ। साथै, उहाँहरूलाई आश्रमको अभिभावक सदस्यमा मनोनित गरी विशेष अभिनन्दन गरिनेछ। तीन लाखदेखि माथि दान गर्ने दाताहरूलाई अझै विशिष्ट सम्मान प्रदान गरिनेछ, जसमा परिवारका पाँच सदस्यलाई दुबोको माला लगाएर बाजागाजा सहित कार्यक्रम स्थलमा पुर्याउने, आश्रमको संरक्षक पदमा मनोनित गर्ने र एक दिनको प्रमुख अतिथिको रुपमा विशेष अभिनन्दन गरिनेछ।

पाँच लाखभन्दा माथि दान गर्ने दाताहरूलाई काठमाडौँ चक्रपथ परिक्रमा गराउने तथा नागरिक अभिनन्दनसहित आश्रमको विशिष्ट संरक्षक पदमा मनोनित गरिनेछ। थप रूपमा, रु ५ लाख ५५००० भन्दा माथिको दानमा आश्रममा निर्माण हुने भवनको कोठामा दम्पतिको नामाकरण गरी सम्मान गरिनेछ।

दानवीर दाताहरूको सम्मानमा यो महायज्ञ विशेष महत्वपूर्ण छ, जसले सामाजिक सेवा र धार्मिक योगदानलाई नयाँ उचाइमा पुर्याउनेछ। साथै, रु १ लाख दान गरेर दाताहरूले मामाघर अनाथालयमा रहेका अनाथ बालबालिकाहरूको अभिभावक बन्ने अवसर पनि प्राप्त गर्न सक्नुहुनेछ, जसले समाजमा मानवताको सेवा गर्न महत्वपूर्ण भूमिका खेल्नेछ।

यस महायज्ञमा दान गर्नुहुने सबैलाई हार्दिक धन्यवाद र उच्च सम्मानको भाव प्रकट गरिन्छ।